වල්පිට සමුපකාර ගොඩනැගිල්ලේ ප්‍රජා සිතුවම් ව්‍යාපෘතිය – 2019
දිනය: 2019 දෙසැම්බර්
ස්ථානය: වල්පිට, හෝමාගම
ව්‍යාපෘතිය: සමුපකාර ගොඩනැගිල්ලේ බිත්ති සිතුවම් නිර්මාණය
ව්‍යාපෘතියේ ස්වභාවය: ප්‍රදේශයේ දරුවන් සහ තරුණයන්ගේ ප්‍රජා කලා ව්‍යාපෘතිය
මගේ දායකත්වය: චිත්‍ර නිර්මාණය හා සිතුවම් කිරීම සඳහා ස්වේච්ඡා දායකත්වය
2019 දෙසැම්බර් මාසයේදී මගේ ගම් ප්‍රදේශය වන වල්පිට ප්‍රදේශයේ දරුවන් සහ තරුණයන් එක්ව ක්‍රියාත්මක කළ සමුපකාර ගොඩනැගිල්ල අලංකරණය කිරීමේ ප්‍රජා ව්‍යාපෘතියකට මමද එක්වුණෙමි.
පැරණි ගොඩනැගිල්ලේ බිත්ති සහ අවට ප්‍රදේශ පිරිසිදු කර සකස් කිරීමෙන් පසු, ශ්‍රී ලාංකීය අනන්‍යතාව, ඉතිහාසය සහ සංස්කෘතික උරුමය නිරූපණය කරන විශාල ප්‍රමාණයේ බිත්ති සිතුවම් නිර්මාණය කරන ලදී. ශ්‍රී ලංකා ජාතික ධජය, රණවිරු රුව, බෞද්ධ ස්තූප හා පැරණි ගෘහ නිර්මාණ අංග ඇතුළු තේමා එම සිතුවම් සඳහා යොදාගෙන තිබුණි.
මෙම ව්‍යාපෘතියේදී මගේ ප්‍රධාන දායකත්වය වූයේ චිත්‍ර ඇඳීම සහ බිත්ති සිතුවම් නිර්මාණයට සෘජුව සහභාගී වීමයි. ප්‍රදේශයේ දරුවන්, තරුණයන් සහ වැඩිහිටියන් එක්ව ගොඩනැගිල්ල සහ අවට පරිසරය සකස් කිරීමේ සිට සිතුවම් නිම කිරීම දක්වා කණ්ඩායමක් ලෙස කටයුතු කළහ.
මෙය ගොඩනැගිල්ලක් අලංකාර කිරීමකට පමණක් සීමා නොවී, ගමේ දරුවන් හා තරුණයන් එකම අරමුණක් වටා එක්කරමින් ඔවුන්ගේ නිර්මාණශීලීත්වය, කණ්ඩායම් හැඟීම සහ ප්‍රජාව පිළිබඳ වගකීම වර්ධනය කළ ව්‍යාපෘතියක් ලෙස මගේ සමාජ සේවා ගමනේ වැදගත් මතකයක් විය.
සංවාදයට එක්වන්න.