යුදමය තත්ත්වයක් අතරතුර දෝහා සිට කොළඹ බලා

දිනය: 2026 අප්‍රේල් 30
ගමන් මාර්ගය: Doha (DOH) - Colombo (CMB)

2026 අප්‍රේල් 30 වැනිදා නිවාඩුව සඳහා ශ්‍රී ලංකාව බලා පිටත්ව ගිය දිනය. දෝහා ගුවන්තොටුපළට පැමිණි විට වෙනදා දකින කාර්යබහුලත්වයට වඩා පැහැදිලි වෙනසක් දැනුණා. ඒ දිනවල පැවති යුදමය තත්ත්වය සහ ගුවන් ගමන්වලට ඇතිව තිබූ බලපෑම් නිසා ගුවන්තොටුපළේ මගීන්ගේ සහ ගුවන් යානාවල ගමනාගමනය සාමාන්‍ය දිනවලට වඩා අඩු බවක් මට පෙනුණා.

ගුවන් යානය එනතුරු ගුවන්තොටුපළේ ගත කළ කාලයත්, පසුව දෝහා සිට කොළඹ බලා ආරම්භ කළ ගුවන් ගමනත් මේ ඡායාරූපවල සටහන් වී තිබෙනවා.

ගමනේ අවසාන භාගයේ ගුවන් යානයේ කවුළුවෙන් දුටු හිරු බැස යන අහස එදින ගමනේ මතකයේ රැඳුණු තවත් සුන්දර දසුනක්. විදේශයක සිට නැවතත් මගේ රටට සහ මගේ පවුල වෙත පැමිණෙන ගමනක් නිසා මේ දවස මගේ 2026 ජීවිත සටහන් අතර විශේෂ මතකයක්.