ශ්‍රී ලංකා රාමඤ්ඤ මහා නිකායේ මහානායක හිමිපාණන් වහන්සේ වෙත "මහාවංස ප්‍රදීපිකාව" පූජා කිරීම
Meerigama · Gampaha · ශ්‍රී ලංකාව · ශ්‍රී විද්‍යාවාස මහා පිරිවෙන, මිණිඔලුව, මීරිගම
දිනය: 2026 මැයි 06
ස්ථානය: ශ්‍රී විද්‍යාවාස මහා පිරිවෙන, මිණිඔලුව, මීරිගම
2026 මැයි 06 වැනිදා මීරිගම, මිණිඔලුව ශ්‍රී විද්‍යාවාස මහා පිරිවෙන වෙත ගොස්, ශ්‍රී ලංකා රාමඤ්ඤ මහා නිකායේ මහානායක අග්ගමහා පණ්ඩිත අතිපූජ්‍ය මකුලෑවේ විමල නායක හිමිපාණන් වහන්සේ බැහැදැකීමට අවස්ථාව ලැබුණි.
එහිදී වසර ගණනාවක අධ්‍යයනය, පර්යේෂණය සහ කැපවීම මත මා විසින් රචනා කරන ලද "මහාවංස ප්‍රදීපිකාව" ග්‍රන්ථයේ පිටපතක් සම්බුද්ධ ශාසනය වෙනුවෙන් උන්වහන්සේ වෙත ගෞරවයෙන් පූජා කළෙමි.
ග්‍රන්ථය පිළිබඳව අදහස් දැක්වූ මහානායක හිමිපාණන් වහන්සේ, මෙවැනි ග්‍රන්ථයක් කාලීන අවශ්‍යතාවයක් බව සඳහන් කරමින්, එය නිර්මාණය කිරීම සඳහා මා විසින් ගන්නා ලද උත්සාහය අගය කර ප්‍රශංසා කළහ. වසර ගණනාවක් පුරා සිදු කළ කාර්යයක් පිළිබඳව මෙවැනි ගෞරවනීය මහා සංඝ පීතෘවරයෙකුගෙන් ලැබුණු එම වචන මට විශාල ශක්තියක් සහ ආශිර්වාදයක් විය.
අතිපූජ්‍ය මකුලෑවේ විමල මහානායක හිමිපාණන් වහන්සේට තව තවත් සම්බුද්ධ ශාසනය වෙනුවෙන් සේවය කිරීමට අවශ්‍ය ධෛර්යය, ශක්තිය සහ නිරෝගී සුවය ලැබේවායි ගෞරවයෙන් ප්‍රාර්ථනා කරමි.
සංවාදයට එක්වන්න.